The Blog

ຮູ້ໄວ້ກ່ອນໄປທ່ຽວເລີຍ! 20 ສະຖານທີ່ຈັດແຂ່ງຂັນ 28 ກິລາ ໃນຊຽງຂວາງ ເກມ 2020

   ງານມະຫະກໍາກີລາແຫ່ງຊາດ ຄັ້ງທີ 11 ທີ່ແຂວງຊຽງຂວາງ ຈະເປີດສາກຂຶ້ນໃນເດືອນມີນາ 2020 ເຊິ່ງກ່ອນຈະຮອດນັ້ນ ເຮົາມາເບິ່ງ ສະຖານທີ່ແຂ່ງຂັນ ຫລື ສະໜາມ ໃນການແຂ່ງຂັນເຖິງ 20 ແຫ່ງທີ່ແອັດມິນໄດ້ຂໍ້ມູນມາ ເພື່ອເປັນຂໍ້ມູນພື້ນຖານກ່ອນໄປຮ່ວມດັ່ງກ່າວ ຮັບຮອງວ່າຄຸ້ມຄ່ານອກຈາກຈະໄດ້ເບິ່ງກິລາແລ້ວ ຍັງໄດ້ຊົມການແຂ່ງຂັນແລ້ວ ຍັງໄດ້ທ່ຽວຊົມທິວທັດທໍາມະຊາດ ໃນແຂວງຊຽງຂວາງ ຕື່ມອີກ.

ຕາມການເປີດເຜີຍຂອງ ທ່ານ ທອງສີ ພັນທະວົງ ຮອງຫົວໜ້າພະແນກສຶກສາທິການ ແລະ ກິລາ ແຂວງຊຽງຂວາງ ທັງເປັນຫົວໜ້າອະນຸກໍາມະການດ້ານເນື້ອໃນ ງານມະຫະກໍາກີລາແຫ່ງຊາດ ຄັ້ງທີ 11 ລາຍງານໃຫ້ຮູ້ວ່າ: ງານມະຫະກໍາກິລາແຫ່ງຊາດ ຄັ້ງທີ 11 ທີ່ແຂວງຊຽງຂວາງ ກໍານົດເອົາ 28 ປະເພດກີລາ ເຂົ້າຮ່ວມແຂ່ງຂັນເປັນທາງການ. ນອກນັ້ນ, ຍັງມີອີກ 2 ປະເພດກີລາ ເຊິ່ງເປັນກີລາສາທິດ ຄື: ກີລາຮ໊ອກກີ້ ແລະ ກີລາຣັກບີ້.

ໂດຍ 28 ປະເພດກີລາໄດ້ກໍານົດເອົາສະຖານທີ່ແຂ່ງຂັນ ດັ່ງນີ້:
– ບານເຕະຍິງ ກໍານົດໃຫ້ແຂ່ງຂັນ ທີ່ສະໜາມກີລາຂອງແຂວງ ບ້ານໂພນມີໄຊ (ສະໜາມເກົ່າ)
– ບານເຕະຊາຍ ແລະ ແລ່ນ-ລານ ແຂ່ງຂັນທີ່ສະໜາມເປີດ-ປິດ (ຄັງໜອງຫລວງ)
– ບານບ້ວງ ແຂ່ງຂັນ ທີ່ຫໍພັກເກົ່າໂຮງຮຽນ ມສ ໂພນສະຫວັນ

-ເທັນນິສ ແຂ່ງຂັນທີ່ສະໂມສອນໂຮງຮຽນ ມສ ໂພນສະຫວັນ
-ດອກປີກໄກ່ ແຂ່ງຂັນທີ່ເດີ່ນສະໂມສອນ ດອກປີກໄກ່ຂອງແຂວງ
-ກະຕໍ້ ແຂ່ງຂັນທີ່ເດີ່ນດອກປີກໄກ່ທະຫານແຂວງ
-ປິ໋ງປ່ອງ ແຂ່ງຂັນທີ່ສະໂມສອນ ພະແນກແຜນການ ແລະ ການລົງທຶນແຂວງ

-ເທຄວັນໂດ ແລະ ມວຍປໍ້າ ແຂ່ງຂັນທີ່ສະໂມສອນ ພະແນກໂຍທາທິການແຂວງ
– ຢູໂດ, ປັ່ນຈັກສີລັກ, ວູຊູ ແລະ ໝາກແລ້ ແຂ່ງຂັນທີ່ເດີ່ນກີລາໃນຮົ່ມ ວິທະຍາໄລ ຄູຄັງໄຂ
-ໝາກເສິກ ແຂ່ງຂັນທີ່ສະໂມສອນ ພະແນກກະສິກໍາ ແລະ ປ່າໄມ້ແຂວງ
-ເຮືອຊ່ວງ ແຂ່ງຂັນທີ່ໜອງສະເດັດ ສຸພານຸວົງ 02
-ໝາກຂ່າງ, ໜ້າເກັກ ແລະ ຍິງທະນູ ແຂ່ງຂັນທີ່ ສະໜາມເປີດ-ປິດ (ຄັງໜອງຫລວງ)

-ລົດຖີບ ແຂ່ງຂັນທີ່ເສັ້ນທາງເລກ 7 ແຕ່ບ້ານປ້າງປາງ ຫາ ໂພນສະຫວັນ
-ລອຍນໍ້າ ແຂ່ງຂັນທີ່ນະຄອນຫລວງວຽງຈັນ
– ບານສົ່ງໃນຮົ່ມ ແລະ ເປຕັງ ແຂ່ງຂັນທີ່ສະໜາມ ສວນມອນ ບ້ານໂງຍ
-ໂບລິ້ງ ແຂ່ງຂັນທີ່ສະໂມສອນໂບລິ້ງ ບ້ານໂພນມີໄຊ

-ກ໊ອຟ ແຂ່ງຂັນທີ່ເດີ່ນກ໊ອຟ ບ້ານນາເທົາ
-ຍິງປືນ ແຂ່ງຂັນທີ່ໂຮງຮຽນນາຍສິບ
-ມວຍລາວ ແລະ ມວຍສາກົນ ແຂ່ງຂັນທີ່ຫາດຊາຍ ອ່າງນໍ້າຫງໍາ
-ສະນຸກເກີ້ ແຂ່ງຂັນທີ່ເດີ່ນບານເຕະ ບ້ານຍວນ.

ໝາຍເຫດ: ຮູບບັນຍາກາດການແຂ່ງຂັນກິລາແຫ່ງຊາດ ຄັ້ງທີ 10 ທີ່ອຸດົມໄຊ ເກມ ຂອງທີມງານຖ່າຍປີ 2014

ຂໍຂອບໃຈ ຮູບ ແລະ ຂໍ້ມູນ : sportsupdate.org

Leave a Comment

Your email address will not be published.

eighteen + thirteen =